Жазғы сауықтыру іс-шаралары жоспарына сәйкес ортаңғы топ тәрбиешілері тәрбиеленушілер арасында «Ұлы даланың балалары» атты ұлттық спорттық сайыс ұйымдастырды.
Іс-шараның мақсаты – балалардың денсаулығын нығайту, ептілік, шапшаңдық, күш-қуат пен командалық рухты дамыту, сондай-ақ қазақ халқының ұлттық дәстүрлері мен мәдениетіне деген қызығушылықтарын арттыру.
Балалар «Арқан тарту», «Бәйге», «Көкпар» сияқты ұлттық ойындарға ерекше қызығушылықпен қатысып, өздерінің белсенділіктері мен шапшаңдықтарын көрсетті. Әрбір ойын балаларға көтеріңкі көңіл күй, қуаныш пен жағымды эмоциялар сыйлады.
Осындай спорттық іс-шаралар балалардың денсаулығын нығайтып қана қоймай, оларды достыққа, ұйымшылдыққа, бірлікке және туған жерінің ұлттық дәстүрлерін құрметтеуге тәрбиелейді.
Ұлттық ойын – ұрпақ тәрбиесінің асыл қазынасы!
