Аудандық емхана мамандары Новоишим қазақ орта мектебінің №3 мектебіне барып, кәмелетке толмағандардың денсаулығы мен қауіпсіздігіне қатысты маңызды тақырыптар бойынша оқушылармен профилактикалық әңгімелер өткізді.
Іс-шараға Умутбаева Асем Тулемысовна — салауатты өмір салты маманы; Маханов Жандос Куттыбаевич — психиатр-нарколог дәрігері; Шинкарь Марина Владимировна — емхана психологы қатысты.
Кездесу барысында мына тақырыптар қаралды:
- жасөспірімдердің репродуктивті денсаулығы, ерте жыныстық қатынастың, жүктіліктің және некенің алдын алу;
- етеккір және етеккір циклі, жасөспірім кезеңіндегі физиологиялық өзгерістер, жеке гигиена және денсаулыққа жауапкершілікпен қарау;
- зиянды әдеттердің алдын алу: алкоголь мен есірткі заттарын, уытты заттарды және шылым қоспаларын қолданудың алдын алу.
Жасөспірімдердің өз денсаулығына жауапкершілікпен қарауына, саналы шешім қабылдауына, қауіпті мінез-құлықтың алдын алуға және физикалық әрі психологиялық саулығын сақтауға ерекше көңіл бөлінді.
Жұмыстың мақсаты — оқушылардың ақпараттануын арттыру, салауатты өмір салтын қалыптастыру және жас ұрпақтың денсаулығы мен болашағына төнетін қауіптердің алдын алу.
Жасөспірімдердің денсаулығы — бәрімізге ортақ жауапкершілік!





