«Адал азамат» бағдарламасы аясында «Біртұтас тәрбие» бағдарламасына сәйкес қыркүйек айы еңбекқорлық пен кәсіби біліктілік айы болып белгіленді.
«Дюймовочка» бөбекжайының жұмыс жоспарына сәйкес «Көбелек» ортаңғы тобында асүй мен кір жуу бөлмесіне экскурсия ұйымдастырылды.
Экскурсияның мақсаты — балаларды аспаз және кір жуушы мамандықтарымен таныстыру, осы мамандықтардың маңыздылығы туралы түсінік қалыптастыру, сондай-ақ асүй мен кір жуу бөлмесінде қолданылатын электр құрылғыларымен таныстыру.
Балалар аспаздар Б.Б. Оспанова мен Т.В. Абубакированың жұмысын үлкен қызығушылықпен тыңдап, бақылап отырды. Ал кір жуу бөлмесінде өздерін қоршаған заттарды қызығушылықпен қарап, олардың қызметімен танысты.
Экскурсия балалардың еңбек адамдарына деген құрметін арттырып, әртүрлі мамандықтар туралы түсініктерін кеңейтуге ықпал етті.
